VOV4.K’ho- Drim ngai 14/09, tàm ƀòn dờng Nha Trang, mpồl lơh broă bơh Cíñ phủ dê bơh Phó Thủ tướng Cíñ phủ ồng Vũ Đức Đam lam bồ neh lơh broă mờ Ủy ƀan Ñân zân càr Khánh Hòa bè ală broă lơh tờm bơh bàr pe gah broă gơwèt gah broă khoa giáo- văn xã.

Phó Thủ tướng Cíñ phủ ồng Vũ Đức Đam lơh broă mờ càr Khánh Hòa

Đơs tàm dơ̆ lơh broă, Phó Thủ tướng ồng Vũ Đức Đam jờng rơ uă broă lơh jat kơnòl broă khoa giáo- văn xã bơh càr Khánh Hòa dê. Ngan là tàm broă lơh rcang sơndră kòp Kovid-19. Phó Thủ tướng pà gĭt, mờr tus, Ƀộ Y tế geh bơto pơlam bè tơl khà, lơh nền khà nàng càr in bơcri priă bơt bơtàu phan bơna lơh Anih tờm gròi sền kòp tê jê să. Ală hìu sơnơm kơnă ndŭt ndơl bơh Ƀộ Y tế dê dong kờl càr lơh Hìu sơnơm dờng càr. Bè broă tam gơl sồ, Sở Thông tin mờ Truyền thông tă pơgồp jơnau đơs bal ai càr in lơh gơlik geh ală jơnau kờp sền geh ngan mờ ngan ngồn tàm broă bơt bơtàu gơnoar atbồ điện tử, drơng broă làng bol in.

Cau mblàng K’Hạnh