Jăt rơndăp broă bơ̆t bơtàu wơl Tập đoàn tơngai bơh nam 2021 tus 2025 mờ jơnau kờñ tờm ngan là bơ̆t bơtàu mờ tơnguh bơtàu VNPT gơs tập đoàn lơh sa dà lơgar pràn kơl dang, ñhăp ñhar, geh cồng nha, lơh pa geh bơta pràn tàm pơrlòng tàm lơgar mờ dunia.

Jơnau đơs pơn dŭt dơ̆ pơrjum, Phó Thủ tướng ồng Lê Minh Khái đơs niam ală jơnau đơs pơgồp bal bơh ală Ƀộ, gah lơh broă Dà lơgar neh ring bal ală broă lơh dờng gam geh jơnau đơs ờ ndrờm bal, pal kah tàm bơta lơgar he gam tơrgùm jrô ơnàng mờ lơh sa tàm dunia mờ gơrềng bơh Dơ̆ lơh sa mờ măi mŏk 4.0, tàm hơ̆ broă tam gơl sồ là broă lơh pal geh mờ Tập đoàn VNPT pal ai geh gùng dà broă lơh nàng tơnguh bơtàu tàm tơngai tus.