Phó Thủ tướng ồng Lê Minh Khái đơs, broă lơh atbồ giă bồ nam kong uă bơta kơn jơ̆ ngan tài bơh uă bơta. Bơta lơh sa dunia kal ke, ờ gơtùi gĭt lài. Roh giă priă geh gơmù mơya kung gam tàm khà uă. Tàm lơgar, giă phan kong uă bơta kơn jơ̆, mơya kung gam gơlik geh jat jơnau rcang lài neh geh ai. Pah nam jat kơrnoat, ală nhai bồ nam gơguh mờ gơmù rơhời tàm nhai 4 mờ nhai 5 nam 2024.

Bulah bè hơ̆, Kwang atbồ Mpồl đơng lam đơng lam giă sồr ală Ƀộ, ngàñ ală tiah ờ gŏ di sền ờ sơ̆p mờ ờ rcang sền ngăc tàm broă đơng lam. Nàng rcang lài pleh mờ ală bơta lòng tàm broă lơh đơng lam giă tàm ală nhai gam wơl bơh nam 2024, Phó Thủ tướng ồng Lê Minh Khái sồr ală Ƀộ, ngàñ, ală tiah rcang lơh pràn lam lơh jat ală broă lơh bơh Cíñ phủ, Thủ tướng Cíñ phủ dê tàm ală sră nggal đơng lam mờ jơnau đơng lam bơh Phó Thủ tướng dê tàm ală Jơnau yal pơndŭt pơrjum Mpồl đơng lam pah dơ̆ dê.