VOV4.K’ho- Mho ngai 08/07, tàm Hìu duh broă Cíñ phủ, Ƀí thư Đảng Dà lơgar, Phó Thủ tướng Cíñ phủ ồng Lê Minh Khái đơng lam dơ̆ pơrjum Mpồl đơng lam đơng pơlam giă Cín phủ dê tơn jơh broă lơh pơlam giă 06 nhai do, pơlam gùng dà broă lơh đơng lam đơng pơlam giă 06 nhai lồi nam.

Pơndŭt dơ̆ pơrjum, Phó Thủ tướng ồng Lê Minh Khái đơs loh, broă lơh pơlam giă bơh tŭ do tus lồi nam kờñ pal pơn jăt tai lơh jăt dùl bă kơrhia ngan, ngac ngar mờ rơcăng lài mơkung pal lơh niam gròi sền roh giă priă kờp bal gùt nam 2022 jăt jơnau kờñ bơh Cíñ phủ dê mờ Quôk hội dê jàu, bơh hơ̆ lơh geh bơnàng jă ƀươn ƀoài ai broă gròi sền tàm nam tus in. Phó Thủ tướng sồr, ală ƀộ, ngàñ mờ ală tiah ờ gŏ di ờ rơcăng ngăc ngan là tàm tŭ giă ñiên liệu dunia ờ hềt geh uă tềl tơngŏ niam; tơrgùm gĭt nền broă gơlik geh kơlôi sơnơng, sền swì, ai geh broă lơh đơng pơlam dipal.

Cau mblàng Lơ Mu K’Yến