VOV4.K’ho- Drim ngai 25/02, tàm hìu lơh broă Cíñ phủ, Ƀí thư Đảng dà lơgar, Phó Thủ tướng ồng Lê Minh Khái neh đơng lam dơ̆ pơrjum Mpồl đơng lam khà priă bơh Cíñ phủ dê cribơyai bè cồng nha broă đơng pơlam khà priă 2 nhai do mờ gùng dà broă lơh đơng pơlam khà priă tàm tơngai gam wơl tàm nam do.

Yal tai bè bơta phan xăng zờu, Thứ trưởng Ƀộ Kông thương ồng Đỗ Thắng Hải pà git, drà kă bro xăng zờu dunia pơn jat tai gơlik geh kal ke tềng đap kal ke cíñ trị đah Nga mờ Ukraine, tàm tŭ khà prap rơcang gàr xăng zờu tàm uă lơgar gơmù mờ jơnau kờñ ngui xăng zờu gơguh uă tŭ ală lơgar lam lơh ală broă lơh bơtàu tơnguh wơl lơh sa, tŭ do, khà priă zờu ờ hềt lơh gơlik phan tàm drà kă bro dunia neh sơrlèt rlau khà 100 dolar Mỹ dùl thùng mờ kung gam gơlik geh kal ke. Tàm pơrjum, bơh yal jơnau đơs lài khà priă ală bơta phan kuơmàng pal geh, mpồl dong broă Mpồl đơng pơlam khà priă yal 3 jơnau rơcang lài đơng pơlam khà priă tàm quý 2 mờ ală nhai gam wơl bơh nam do dê.

Cau mblàng K’Duẩn