Đơs tàm dơ̆ lơh broă, Phó Thủ tướng ồng Lê Minh Khái cih dờp mờ jờng rơ uă ngan ală cồng nha mờ jơh bal ală anih lơh broă cíñ trị càr Tây Ninh dê neh lơh geh tàm tơngai pa do.

 Phó Thủ tướng ồng Lê Minh Khái sồr Kwang đơng lam bồ càr Tây Ninh mblàng, đơs di bơta geh ngan nàng jòi geh ală broă lơh sơlơ tơnguh lơh sa- mpồl bơtiàn bơtàu tơnguh. Phó Thủ sồr tàm tơngai tus, càr Tây Ninh pal rcang lài gĭt loh ală bơta, tơnguh uă bơta pràn yal tơngĭt lài ală bơta gơrềng, aniai tus bơta bơtàu tơnguh bơh càr dê. Càr lơh geh bơta ring bal, tam klăc bal nàng lơh ngan bơsong ală broă gơwèt gơnap gơnoar; lơh geh cồng nha, dùl ròt bal ală kơnòl broă, gùng dà broă lơh bơtàu tơnguh lơh sa- mpồl bơtiàn. Bơdìh hơ̆, càr Tây Ninh pal lơh pràn tam gơl rơndap tap sèng gah lơh sa mờ măi mok, wèt tus tă bơsong ală bơta kal ke nàng gơ hòi gơ jà bơcri priă, bơtàu tơnguh jat gùng dà pơlam bal mờ ngui geh bơta pràn, bơta ƀuơn bơh càr dê.