Tàm dơ̆ cribơyai mờ Củ tịc Mpồl duh broă pơlam broă lơh sa ồng Jared Bernstein, Phó Thủ tướng ồng Lê Minh Khái đơs là, tơnơ̆ tŭ tơnguh bơta git gơp gơ gơs lơgar lơh broă bal jŏ jòng tơl làm tàm nhai 9 nam 2023, 2 lơgar rơp geh uă ù tiah mờ bơta gơn kơnờm pa ai lơh broă bal tàm uă gah in. Phó Thủ tướng đơs là, lơh broă bal lơh sa- kă bro ngai sơlơ geh kuơ dờng màng mờ cèng wơl bơta kuơ lơh sa ngan ngồn, pơn jat tai là bơta tờm mờ gơn kơnờm tơnguh bơta git gơp 2 lơgar; sồr 2 lơgar pơn jat tai lam lơh ngan ngồn mờ lam lơh jat geh cồng nha tơngume bơh bơta git gơp lơh broă bal jŏ jòng tơl làm dê. Ồng Bernstein ai lơh niam nùs ngan bè bơta bơtàu tơnguh bơh git gơp Việt Nam – Mỹ dê, kuơmàng là tàm gah lơh sa – kă bro – bơcri priă; đơs nền Mỹ rơp pơn jat tai lơh gơlik bơta niam nàng sơlơ tơnguh rlau tai lơh broă bal đah 2 gah tàm tơngai tus.