Phó Thủ tướng đơs nền lơgar Việt Nam sùm sền lơgar Nhờk là lơgar lơh broă bal kwơ màng lài ngan mờ jŏ jòng; kơ̆p kờñ bàr gah pơn jăt tai pơgồp bal nền nòn, bal mờ lơgar Việt Nam lơh pràn broă lơh jăt mùl màl, geh cồng nha bơta git gơ̆p Tam klăc lơh broă bal jŏ jòng tơl ală bơta pa geh lơh geh đah bàr lơgar dê.

Phó Thủ tướng sồr lơgar Nhờk sền wơl ai lơgar Việt Nam in ală khà priă càn ODA pa mờ broă càn bal mờ sră nggal geh lơh niam, ƀuơn rơlao, gơtùi jăt broă dong kờl kes priă nàng lơh ală rơndăp broă bơtàu tơnguh phan bơna jŏ jòng geh kwơ mờ dờng lơgar Việt Nam dê; lơh pràn broă lơh jăt ai priă ODA ală rơndăp broă lơh tàm gah tam gơl sồ, tam gơl tơlir, ală rơndăp broă lơh gùng rơndeh ồs tàm tiah drà Hà Nội mờ ƀòn dờng Hồ Chí Minh.