Phó Thủ tướng Cíñ phủ ồng Lê Minh Khái đơs, càr Bình Dương là càr geh tă pơgồp dờng ngan tàm kes priă dà lơgar mờ tơnguh bơtàu lơh sa mpồl bơtiàn gùt lơgar dê. Tơnơ̆ mờ rơlao 25 nam, càr Bình Dương neh brồ guh gơs càr tơnguh bơtào pràn bè lơh sa mờ măi mŏk, broă lơh drơng ala. Phó Thủ tướng sồr, càr Bình Dương pal tơrgùm lơh geh cồng nha broă lơh bơh Cíñ phủ dê jăt Nghị quyết sồ 24 bơh Ƀộ Cíñ trị mờ broă rơndăp lơh bơh càr dê.

Càr Bình Dương lơh jăt pràn broă bơcri priă dà lơgar; tơnguh broă hòi jà ngui geh cồng nha ală bơta pràn ai broă tơnguh bơtàu, tàm hơ̆ uă ngan là broă lơh bal đah dà lơgar mờ cau dùl nă să lơh is nàng hòi jà geh bơta pràn bơh mpồl lơh sa kă bro, làng bol, mpồl bơtiàn jăt kơrnoăt ndrờm bal bơta kwơ. Càr Bình Dương pal git bơta nàng bơsong kal ke tàm broă lơh, kă bro ai mpồl lơh sa kă bro, drơng gàr rài kis làng bol lơh broă; lơh niam broă rơndăp lơh bal càr dê.