Drim òr (15/09), tềng đăp mờ broă đơng lam bơh Kwang geh jơng tàm Ƀộ Cíñ trị, Ƀí thư Thàñ ủy ƀòn dờng Hồ Chí Minh ồng Nguyễn Văn Nên dê, Pơrjum cri bơyai Lơh sa ƀòn dờng Hồ Chí Minh nam 2023 neh bơyai lơh mờ Tơngu me: “Gơguh lơh sa tơlir-Broă lơh wèt tus tơmù tơlik nhơm ƀơ̆ ndrờm mờ 0”.

Phó Thủ tướng ồng Lê Minh Khái tus mờ geh jơnau đơs tàm pơrjum cri bơyai. Tàm jơnau đơng lam Pơrjum cri bơyai, ồng Lê Minh Khái đơs, “Gơguh lơh sa tơlir – Broă lơh wèt tus tơmù nhơm ƀơ̆ ndrờm mờ 0” là dùl tơngu me mùl màl niam mờ geh kwơ, di pal mờ gùng dà bơtàu tơnguh kơl jăp tŭ do tàm dunia dê. Pơrjum cri bơyai hòi jà geh ală cau jăk geh bơngă pin dờn tàm lơgar mờ lơgar bơdìh, geh cèng wơl ală jơnau git pa, ală broă lơh niam, ală jơnau bơsram broă mờng chài kwơ màng gơtùi dong kờl ƀòn dờng Hồ Chí Minh tàm broă lơh geh cồng nha gùng dà broă lơh, broă lơh jŏ jòng mờ gùng dà bơh Đảng, Cíñ phủ bè broă gơguh lơh sa tơlir mờ bơtàu tơnguh kơl jăp.