Tàm dơ̆ wă, Phó Thủ tướng ồng Lê Minh Khái đơs nền, Đảng, Dà lơgar mờ làng bol Việt Nam sùm sền dờng màng mờ lơh lài ngan broă lơh kơ̆ kơljap mờ sơlơ tơnguh bơta git gơp lơh bơyô dờng màng, bơta tam klac bal kuơmàng mờ lơh broă bal tơl làm đah 2 lơgar Việt Nam – Lào. Phó Thủ tướng ồng Lê Minh Khái kơp kờñ 2 gah pơn jat tai lơh broă bal, lơh jat ală jơnau ring bal lơh broă bal kâp dờng bal bơh Ủy ƀan bàr Cíñ phủ Việt Nam – Lào dê, kung bè ală jơnau yal bơr kâp dờng, jơnau ring bal đah 2 Ƀộ, pơgồp bơnah bơtàu tơnguh lơh sa, mpồl bơtiàn 2 lơgar; đơs nền, Cíñ phủ Việt Nam rơp pơn jat tai dong kờl, lơh gơlik bơta niam nàng 2 gah priă jền in pơgồp bal jơh nùs, lam lơh geh cồng nha ală kơnòl broă geh jàu.