Phó Thủ tướng ồng Lê Minh Khái cih dờp broă lơh bơcri priă lơh sa kă bro geh cồng nha bơh Tập đoàn dê tàm ală gah lơh sa mờ măi mok, bơt bơtàu, kă bro, kông nghệ thông tin..., kung bè ală broă lơh geh kơnòl mờ mpồl bơtiàn bơh Tập đoàn do dê, bơh hơ̆, tă pơgồp uă ngan tàm bơta bơtàu tơnguh lơh sa- mpồl bơtiàn bơh lơgar Việt Nam dê. Bơh nam 2007, Tập đoàn Hyosung neh bơcri priă rlau 4 tơmàn đô lar Mỹ tàm lơgar Việt Nam, mờ ală gah broă tờm, bè: Lơh sa mờ măi mok ală phan lơh  gơlik, lơh sa mờ măi mok tàñ mai, lơh  sa mờ măi mok hoá họk, ală gùng che ồs đèng lơh sa mờ măi mok.

Phó Thủ tướng ồng Lê Minh Khái kơ̆p kờñ Tập đoàn jòi gĭt nền nòn rlau tai, pơn jat tai bơcri priă tàm ală gah mờ Tập đoàn geh bơta ƀuơn, bơta pràn; đơs nền, Cíñ phủ Việt Nam sùm sền gròi, sền dờng màng broă lơh niam tiah bơcri priă lơh, lơh geh ală bơta ƀuơn ngan ai Tập đoàn in bơcri priă lơh sa kă bro geh cồng nha mờ bơtàu tơnguh kơ̆ kơl jăp.