VOV4.K’ho- Tàm Hìu lơh broă Cíñ phủ, Phó Thủ tướng Cíñ phủ ồng Lê Văn Thành đơng lam pơrjum Mpồl duh broă sền sơ wì rơndap ù tiah phan kwơ tàm dà tơngai bơh nam 2021-2030, bơta wèt sền tus nam 2050. Do là rơndap ù tiah gah dà lơgar dơ̆ sơn rờp geh lơh tàm gah broă phan kwơ tàm dà, là gùng dà pơlam tơrgùm bal ai ală rơndap ù tiah gah dà lơgar, rơndap ù tiah ală tiah, rơndap ù tiah càr, rơndap ù tiah tàm gah dà dờng mờ ală rơndap ù tiah geh bơta chài gah broă lơh ờs mờng geh tơnhào mờ ngui dà.

Pơndŭt pơrjum Phó Thủ tướng ồng Lê Văn Thành jờng rơ uă ngan bơta lơh ngan bơh Ƀộ Tài nguyên mờ Môi trường dê tàm broă đơng lam pơgồp bal mờ ală Ƀộ, ngàñ, ală tiah, ală anih lơh broă, mpồl dunia, ală cau jak chài, cau khoa học nàng lơh Rơndap ù tiah gàr tơl bơta niam, lơh jat ală jơnau sồr bơh adat boh lam dê bè rơndap ù tiah. Phó Thủ tướng sồr Ƀộ Tài nguyên mờ Môi trường iăt, kơno uă ngan rlau jơh jơnau tă pơgồp bal nàng lơh niam wơl, lơh sir, dan jơnau đơs bơh ală cau tàm Mpồl duh broă  dê lài mờ tŭ yal mờ kấp geh gơnap gơnoar in sền sơ wì mờ kĭ ring bal.

Cau mblàng K’Hạnh