VOV4.K’ho- Ngai 26/04, tàm hìu lơh broă Cíñ phủ, Phó Thủ tướng ồng Lê Văn Thành đơng lam pơrjum Mpồl duh broă sền sơwì rơndap ù tiah lơh bơtàu tơnguh ồs đèng dà lơgar tơngai bơh nam 2021-2030, wèt sền tus nam 2045 (gam sơnđan là rơndap ù tiah lơh ồs đèng 8).

Ală jơnau đơs tàm dơ̆ pơrjum tơngŏ bơta ring bal uă ngan mờ ală broă jàu tờm bơh rơndap ù tiahlơh  Ồs đèng 8 dê, ngan là broă bè rơndap tap sèng  anih lơh gơlik ồs đèng, gùng dà broă lơh mờ rơndap broă lơh tam gơl năng lượng mờ broă tàm pà đèng tàm ală tiah dê. Đơs pơn dŭt pơrjum, ồng Lê Văn Thành đơs Rơndap ù tiah lơh geh bơta tam gơl pa kơlôi sơnơng, broă lơh đơs ngan nùs nhơm lơh rơndap ù tiah lơh do dê là ai bơta kwơ bal ơn lài hơđang ngan rlau jơh, dilah tềm pềr gĭt nđờ jơ̆t tơmàn dolar Mỹ tàm broă tơrmù bơcri priă lơh gùng che ồs đèng, tơrmù priă jền jun pơdiang geh dong lơh gơ mù khà priă đèng. Mờ uă ngan sră đùh ring bal, Mpồl duh broă sền sơwì neh ring bal, Rơndap ù tiah lơh bơtàu tơnguh đèng dà lơgar tơngai bơh nam 2021-2030 mờ wèt sền tus nam 2045.

Cau mblàng K’Hạnh