VOV4.K’ho- Phó Thủ tướng ồng Lê Văn Thành mờ Mpồl lơh broă neh lòt sền, lơh broă bè bơta lơh jat rơndap ù tiah lơh Ƀlàng rơndeh par dunia Nội Bài tơngai bơh nam 2021-2030, bơta wèt sền tus nam 2050.

Phó Thủ tướng ồng Lê Văn Thành lòt sền rơndap ù tiah lơh Ƀlàng rơndeh par dunia Nội Bài

Ală jơnau đơs tàm dơ̆ lơh broă sền bal là dùl nùs bal mờ tơngume rơndap ù tiah dê, tàm hơ̆ broă pờ ơnàng Ƀlàng rơndeh par dunia Nội Bài lơh geh 100 tơlak năc dùl nam là kờñ pal geh. Đơs pơn dŭt tàm dơ̆ lơh broă, Phó Thủ tướng ồng Lê Văn Thành đơs là mờ khà bơtàu tơnguh wơl, gơguh lơh sa mhar bơh gah rơndeh par, broă Ƀlàng rơndeh par dunia Nội Bài lơh geh 50 tơlak nă năc dùl nam tàm nam 2030 digơlan là gơtùi lơh geh. Phó Thủ tướng đơs sùm, pal gờñ lơh sir, kĭ ring bal rơndap ù tiah; tơnơ̆ tŭ geh rơndap ù tiah sơr băc mhar lơh gùng dà broă lơh bơcri priă, gờñ yal mờ kấp geh gơnap gơnoar in. Phó Thủ tướng sồr ală Ƀộ, ngàñ, mpồl lơh broă geh gơrềng mhar lơh ală broă lơh geh jàu nàng pơn đơl pràn mŭt lơh gùng rơndeh par mờ hìu ơm tàm nam 2024-2025.

Cau mblàng K’Hạnh