VOV4.K’ho- Phó Thủ tướng ồng Lê Văn Thành pa đơng lam dơ̆ pơrjum mờ 15 càr, ƀòn dờng geh jơnau kờñ lơh niam wơl, lơh dờng mờ lơh pa ƀlàng rơndeh par. Jơnau đơs pơndŭt dơ̆ pơrjum, Phó Thủ tướng ồng Lê Văn Thành đơs nền, bơcri priă lơh Ƀlàng rơndeh par geh lơh gơlik bơta gơn kơnờm pa dong bơta bơtàu tơnguh lơh sa- mpồl bơtiàn bơh tiah hơ̆ dê mờ bơh dà lơgar dê.

Jăt Phó Thủ tướng ồng Lê Văn Thành đơs, tơngai pa do, Cíñ phủ neh jàu kâp, jàu gơnoar ai ală tiah in nàng rơcăng lài rlau tàm broă bơcri priă lơh Ƀlàng rơndeh par mờ neh lơh geh ală cồng nha bơh sơnrờp kwơmàng. Bulah bè hơ̆, ală sră pơ àr bơcri priă gam tàm rơndăp tàm rơndồ, rơ̆ ru ir. Bàr pe ƀộ, ngàñ, càr, ƀòn dờng ờ hềt ngan ngồn rơcăng lài. Phó Thủ tướng jàu Ƀộ Giao thông Vận tải in pơgồp bal mờ 15 càr mờ ƀòn dờng geh jơnau kờñ lơh niam wơl, lơh ơnàng mờ bơcri priă lơh ƀlàng rơndeh par kờp sền, tam gơl rơndăp ù tiah, pal lơh niam jăt di jơnau cih bơh adat boh lam dê.

Cau mblàng Lơ Mu K’Yến