VOV4.K’ho- Tàm hìu lơh broă Cíñ phủ, Phó Thủ tướng Cíñ phủ ồng Lê Văn Thành đơng lam dơ̆ pơrjum pờ tơlik tơn tàm internet Mpồl đơng lam bơh Cíñ phủ dê lam lơh jat rơndap broă lơh lơh broă lơh gùng rơndeh ntoăt răt đah Tô- đah Jum tiah đah mat tơngai lik.

Phó Thủ tướng  ồng Lê Văn Thành pơrjum Mpồl đơng lam lơh jat rơndap broă lơh gùng rơndeh ntoăt răt đah Tô- đah Jum tiah đah mat tơngai lik

Đơs pơndŭt pơrjum, Phó Thủ tướng ồng Lê Văn Thành đơs loh: Nghị quyết Pơrjum dờng dơ̆ 13 ai tơlik jơnau kờñ pơnđơl pràn lơh ngan bơh tŭ do tus nam 2025 pal lơh sir 2 rơbô kơi sồ gùng rơndeh ntoăt răt. Nàng lơh jat jơnau kờñ do, Quôk hội neh ai ngui Nghị quyết mờ uă kơrnoat krơi is, lơh geh tơl ală bơta ƀuơn ngan rlau jơh nàng lam lơh gùng rơndeh ntoăt răt. Phó Thủ tướng đơs ngan tus nam 2025 lơh gơs jơnau kờñ lơh tai 2 rơbô kơi sồ gùng rơndeh ntoăt răt jat broă rơndap lơh. Phó Thủ tướng sồr Ƀộ Giao thông Vận tải mhar lam lơh ală sră nggal nàng sac rơ wah cau cok priă, sơnđờm mut lơh jơh 729 kơi sồ lài mờ ngai 31/12 tus; mhar lam lơh kơrnoat jàu ai ală tiah in là cau tờm bơcri priă ai ù tiah, tàm pà di tŭ khà priă nàng lơh ngan tus ngai 31/12 ai 70% ù tiah.

Cau mblàng K’Hạnh