VOV4.K’ho- Mho ngai 20/01, Phó Thủ tướng Thường trựk Cíñ phủ ồng Phạm Bình Minh, Củ tịc Ủy ƀan Ờdo ờdă gùng lòt dà lơgar neh lòt còp mờ lơh broă mờ Kụk Kảnh sát gùng lòt, gơwèt Ƀộ Kwang àng.

Nam lài, tàm tơngai geh uă bơta kal ke, bơta lòng, mơya mpồl kảnh sát gùng lòt neh lơh gơs niam ală jơnau kờñ, jơnau sồr neh ai tơlik. Bơta rềs àr gùng lòt tàm nam lài gơmù jơh bal 3 broă jàu bè khà dơ̆, khà cau chơ̆t mờ khà cau gơtìp sồt să pơndrờm mờ nam 2020. Tàm nam, mpồl kảnh sát gùng lòt neh lơh sră, mờ lơh glài 2 tơlak 900 rbô nă cau lơh tìs rơndăp tăp sèng ờdo ờdă gùng lòt, lơh glài mờ priă mờr 3 rbô tơmàn đong. Đơs tàm dơ̆ lơh broă, Phó Thủ tướng ồng Phạm Bình Minh tơngkah, tàm dơ̆ sa tềp bơhiàn mờr tus, mpồl kảnh sát gùng lòt pal ai mpồl cau lơh broă tus sền gròi, mờ lơh glài kràñ ală broă lơh tìs là jơnau tờm gơlam tus rềs àr gùng lòt.

Cau mblàng Lơ Mu K’Yến