VOV4.K’ho- Drim ngai 20/01, Phó Thủ tướng Thường trựk Cíñ phủ ồng Phạm Bình Minh neh lòt sền broă lơh sền gàr lơngap lơngai, ờdo ờdă gùng rơndeh par mờ broă lơh rơcang sơndră kòp Kovid-19 tàm ƀlàng rơndeh par dunia Nội Bài.

Phó Thủ tướng Phạm Bình Minh lơh broă mờ ƀlàng rơndeh pả dunia Nội Bài

Nàng gàr niam ờdo ờdă mờ sền gròi niam kòp Kovid-19 tàm broă pơndiang nac, pơndiang phan gah gùng rơndeh par, drơng làng bol in chờ hờp wă rò sa tềp Tây, sa tềp bơhiàn, dơ̆ lơh chờ sơnam pa mờ tàm jơh gùt nam 2022, Phó Thủ tướng Thường trựk ồng Phạm Bình Minh sồr Ƀộ Giao thông Vận tải mhar lơh broă mờ ală kwang bàng geh gơnoar gah rơndeh par ală lơgar nàng ring bal khà ală dơ̆ par dunia, drơng jơnau kờñ làng bol rê wơl hờ lơgar còp cau tờm mờ wă rò sa tềp bơhiàn. Phó Thủ tướng Phạm Bình Minh sồr Tổng Kông tu ƀlàng rơndeh par Việt Nam, ală gah rơndeh par lơh jat nền nòn ală jơnau sồr bè sền gàr lơngap lơngai, ờdo ờdă mờ rơcang sơndră kòp Kovid-19.

Cau mblàng K’Duẩn