VOV4.K’ho- Ngai 16/05, tàm Hìu lơh broă Cíñ phủ, Phó Thủ tướng Thường trựk Cíñ phủ ồng Phạm Bình Minh, Kwang đơng lam Mpồl lơh broă sồ 1 bè lòt sền, sồr lơh ngan, tă bơsong bơta kal ke, lơh pràn ai priă dà lơgar nam 2022 đơng lam dơ̆ pơrjum mờ 9 Ƀộ, ngàñ, anih lơh broă geh bơta lơyài rlau pơndrờm mờ bơta geh bal tàm gùt lơgar dê.

Tàm dơ̆ pơrjum, ala mat 9 Ƀộ, ngàñ, anih lơh broă neh đơs ală bơta kal ke, kòl yan geh gơrềng tus broă ai ù, tàm tŭ bàr pe rơndap broă lơh pa kờñ pal geh tŭ tơngai lơh sir sră nggal bơcri jat jơnau sồr. Bàr pe rơndap broă lơh geh lam lơh tàm uă tiah, bơta pràn bơh bàr pe mpồl atbồ rơndap broă lơh, cau tờm bơcri, cau tờm lơh rơndap broă lơh gam kal ke. Ală anih lơh broă neh geh dan mờ Thủ tướng Cíñ phủ ai gơnoar tơn jŏ tai broă rơndap lơh bơcri priă kes priă dà lơgar nam 2021 tus nam 2022; mơkung  sồr Ƀộ Xây dựng sền sơ wì, dan mờ Cíñ phủ geh gùng dà broă lơh dong kờl tă bơsong bơta kal ke ai ală cau tờm lơh rơndap broă lơh lơh broă gơtìp gơrềng tài bơh giă phan lơh dê gơguh jơnhoa ngan.

Cau mblàng K’Hạnh