VOV4.K’ho - Tàm dơ̆ tus Pơrjum rài tơnơ̆ do câu Á, mho òr (25/05), tàm hìu Đại sứ quán lơgar Việt Nam tàm lơgar Nhờk, Phó Thủ tướng ồng Phạm Bình Minh neh wă Kwang atbồ càr Gunma, ồng Yamamoto Ichita, Kwang atbồ càr Kanagawa, ồng Kuroiwa Yuji, tìp mờ kwang bàng Đại sứ quán lơgar Việt Nam tàm lơgar Nhờk, Mpồl cau ngăc ngar Việt Nam tàm lơgar Nhờk.

                               Phó Thủ tướng ồng Phạm Bình Minh wă Kwang atbồ càr Gunma

Tàm dơ̆ wă, Phó Thủ tướng kơ̆p kờñ Kwang atbồ 2 càr ai tơl bơta niam nàng ală mpồl lơh sa kă bro bơcri priă tàm lơgar Việt Nam, sền gròi tus cau bơsram lơgar Việt Nam gam kis mờ bơsram sră tàm càr, mờ hơ lơgar Việt Nam geh ai tơl bơta ƀuơn ai broă lơh bơh ală mpồl lơh sa kă bro càr Kanagawa. Kanagawa là càr geh bơta pràn bè lơh sơnơm, den tàng, chồl pràn broă lơh bal tàm gah lơh sơnơm, tàm hơ̆ uă ngan là sơm kòp jroă kung là jơnau kơ̆p kờñ lơgar Việt Nam dê.

Cau mblàng Ndong Brawl