Tàm dơ̆ pơrjum, Kwang đơng lam bồ ală ƀộ, gah lơh broă dà lơgar neh cribơyai, mblàng sền jơnau bơh tài gơbàn ală bơta ờ hềt dipal, kal ke bơh ală rơndăp broă lơh BOT dê tài bơh bơta tam gơl tàm jăt ngui ală jơnau cih bơh adăt boh lam dê mờ bơta geh ngan tàm rài kis; jơnau pal jăt cơng tàng adăt boh lam mờ jơnau cih adăt boh lam gơrềng tus nàng bơsong ală rơndăp broă lơh kung bè kơnòl bơh ală gah dê jăt sră pơrgon kĭ hơ.

Đơs pơndŭt dơ̆ pơrjum, Phó Thủ tướng ồng Trần Hồng Hà sồr Ƀộ Giao thông mờ Vận tải mhar lơh sir jơnau yal lơh loh jơnau bơh tài gơbàn kal ke, bơta gơkòl bơh 8 rơndăp broă lơh BOT dê kung bè bơh ală rơndăp broă lơh BOT gùng lòt lam lơh lài mờ tŭ Adăt Bơcri priă jăt gùng dà lơh broă bal đah dà lơgar mờ làng bol geh ai lơh jăt. Tàm hơ̆, sơnđio loh jơnau bơh tài gơbàn ờ gơtùi gĭt lài, ờ rơcăng ngăc, ală tŭ tam gơl, lơh sir, jơnau sồr, broă dong kờl bơh adăt boh lam dê tàm tơl tŭ tơngai, kơnòl bơh ală gah geh gơrềng dê.