Đơs pơn dut dơ̆ pơrjum, Phó Thủ tướng sồr Ƀộ Xây zựng pơgồp bal mờ Ƀộ Tài cíñ, Ngân hàng dà lơgar,… kơlôi sơnơng gùng dà, broă lơh hòi jà tă pơgồp, ngui priă jền ai broă lơh hìu ơm mpồl bơtiàn in dồ bă ring bal, tơrgùm bal. 

Tàm hơ̆, priă ai bơh kes priă dà lơgar geh gơnoar broă tờm ngan, bal mwò priă tă pơgồp nàng lơh hìu ơm mpồl bơtiàn bơh ală cau tờm bơcri priă lơh rơndap broă lơh hìu ơm tŭ tus bal ală bơnah priă ai càn geh dong kờl priă cồng ai hìu ơm mpồl bơtiàn in. Jơnau lơh nền bơh Cíñ phủ dê pal geh tai ală jơnau cih cèng bơta dong kờl jŏ jòng rlau bè rơndap ù tiah, ai ù tiah tàm bơtàu tơnguh tiah drà, ƀòn lơgar, ai kes priă dà lơgar pơgồp bal mờ ală bơnah priă ndai ai ală rơndap broă lơh hìu ơm mpồl bơtiàn in.