Phó Thủ tướng ồng Trần Hồng Hà đơng lam dơ̆ pơrjum pơgồp jơnau đơs tàm Jơnau rơcăng cih Nghị định bè tơm bơtơl, dong kờl tus ơm kis tàm tiah pa tŭ Dà lơgar toh ù
Thứ năm, 07:57, 09/05/2024
Cau mblàng Ndong Brawl/VOV
Cau mblàng Ndong Brawl/VOV
VOV4.K’Ho- Drim òr (08/5), tàm Hìu lơh broă Cíñ phủ, Phó Thủ tướng ồng Trần Hồng Hà đơng lam dơ̆ pơrjum pơgồp jơnau đơs tàm Jơnau rơcăng cih Nghị định bè broă tơm bơtơl, dong kờl tus ơm kis tàm tiah pa tŭ Dà lơgar toh wơl ù mờ Jơnau rơcăng cih Nghị định bè giă ù.
Phó Thủ tướng ồng Trần Hồng Hà đơs nền, Adăt Ù tiah nam 2024 geh uă gùng dà broă lơh pa, pràn mờ kơ̆p kờñ bal bơh ală càr, ƀòn dờng, mpồl lơh sa kă bro, làng bol gờñ ai Adăt Ù tiah mŭt tàm rài kis.
Tàm dơ̆ pơrjum, ală kwang bàng pơgồp jơnau đơs bè Jơnau rơcăng cih Nghị định bè giă ù (Nghị định geh 6 tăp, 44 bơta), tơrgùm bè broă ai lài jơnau tơngit tŭ rơwah bă ù pơn drờm bal tŭ ngui broă pơn drờm bal; broă kờp priă bơh cau bơcri priă tŭ ngui gùng dà broă lơh geh priă cồng; broă ngui broă lơh ai giă ù ală cau pơn jăt tai in; rơwah broă lơh jăt giă ù; bơta gơjăt bal, tơngu me lơh giă ù; bơta gơjăt bal, tơngu me giă ù mùl màl.
Viết bình luận