Nàng lam lơh geh cồng nha Rơndăp kơnhoàl ù tiah neh geh Thủ tướng Cíñ phủ ring bal, ală ƀộ, ngàñ, ală tiah geh gơrềng pal yal tơngĭt làm uă tiah, yal loh làng, song dơ pă tus mờ làng bol, mpồl lơh sa kă bro ală bơnah lơh sa tàm lơgar mờ lơgar ndai nàng kờñ gơ hòi gơ jà bơta tus bal bơh ală gah geh gơrềng dê dùl bă geh cồng nha ngan rlau jơh.

Đơs tàm dơ̆ pơrjum, Phó Thủ tướng Cíñ phủ ồng Trần Hồng Hà, Củ tịc Mpồl duh broă đơng lam pơgồp bal kơnhoàl ù tiah đơs nền, rơndăp ù tiah kơnhoàl ù tiah tiah đah tô tàm ngùl lơgar mờ tiah jat kềng gah dà lềng tàm gùl lơgar tơngai bơh nam 2021-2030, rơndăp broă tus nam 2050, tơngŏ nùs nhơm, bơta sền sơnơng, jơnau kờñ bơtàu tơnguh tờm, bơtàu tơnguh mhar. Rơndăp ù tiah do pờ tơlik bơta sền sơnơng pa mờ ù tiah bơtàu tơnguh pa, lơh geh bơta gơn kơnờm, bơta kwơ pa tàm rài rài bal bè bơtàu tơnguh lơh sa- mpồl bơtiàn bơh tiah đah tô tàm gùl lơgar mờ tiah jat kềng gah dà lềng tàm tơngai tus.