Phó Thủ tướng ồng Trần Hồng Hà pơrjum pờ tơlik tàm internet mờ Phó Thủ tướng lơgar Nga
Thứ tư, 13:48, 10/07/2024
Cau mblàng Ndong Brawl/VOV
Cau mblàng Ndong Brawl/VOV
VOV4.K’Ho- Mho òr (09/07), Phó Thủ tướng Cíñ phủ ồng Trần Hồng Hà, Củ tịc Tam cah gah broă lơgar Việt Nam mờ Phó Thủ tướng lơgar Nga ồng Dmitry Chernyshenko, Củ tịc Tam cah gah broă lơgar Nga neh đơng lam bal dơ̆ pơrjum pờ tơlik tàm internet nàng cri bơyai bè ală broă lơh pràn broă lơh bal mùl màl, geh cồng nha tàm ală gah broă gơwèt Anih duh broă bàr Cíñ phủ lơgar Việt Nam mờ lơgar Nga bè lơh bal lơh sa – kă bro mờ khoa họk – kỹ thuật.
Tàm dơ̆ pơrjum, Bàr Phó Thủ tướng neh yal wơl broă lơh broă bal mờ đơs niam ală cồng nha neh lơh geh tàm Pang sră Pơrjum dơ̆ 24 bơh Anih duh broă bàr Cíñ phủ Việt Nam mờ Nga dê bè lơh broă lơh sa – kă bro mờ khoa họk – kỹ thuật (nhai 04 nam 2023); ring bal geh lơh ngan ai geh ală broă lơh nàng tơnguh uă cồng nha lơh broă bal đah bàr lơgar dê, tàm tơngu me di pal mờ bơta kwơ bơh tơl lơgar mờ bơta git gơ̆p Tam klăc bal jŏ jòng tơl ală bơta đah lơgar Việt Nam mờ lơgar Nga. Bàr Phó Thủ tướng đơs nền rơ̆p đơng lam ƀộ, gah lơh broă dà lơgar đah bàr lơgar dê pơn jăt tai pơgồp bal nền nòn nàng rơcang niam ai Pơrjum dơ̆ 25 Anih duh broă bàr Cíñ phủ Việt Nam mờ Nga mờr geh bơyai lơh tàm nam 2024.
Viết bình luận