Do là jơnau đơs wih đơs wơl bơh Phó Thủ tướng ồng Trần Hồng Hà dê tàm pơrjum pờ tơlik tơn tàm internet gùt lơgar tă pơgồp jơnau đơs bè jơnau rcang cih Nghị địñ bè giă ù. Jat jơnau yal bơh Ƀộ Tài nguyên mờ Môi trường, Jơnau rcang cih Nghị địñ tơnơ̆ tŭ iăt kơno lơh sir geh 6 tap, 41 bơta cih bè broă lơh lơh nền giă ù, bơt bơtàu, tam gơl wơl, tam gơl, bơtơl giă ù; ală bơta lơh broă bơto pơlam sền gĭt giă ù; ngui broă lơh lơh nền giă ù bơh ală cau tàm pơrdờn dê...

Tàm dơ̆ pơrjum, ală jơnau đơs tơrgùm cribơyai bè broă bơtơl ală jơnau đơs tă pơgồp, gàr niam Nghị địñ tŭ ai lơh jat rơ̆p bơsong geh ală broă geh ngan dê sồr, sồr pal geh, lơh ngan ngồn, ƀuơn lơh jat, pleh lơh tìs. Phó Thủ tướng sồr Ƀộ Tài Nguyên mờ Môi trưởng jơh nùs iăt kơno ală jơnau đơs tă pơgồp, gờñ lơh sir jơnau rcang cih Nghị địñ, mhar ngan ai ală gùng dà broă lơh pa, bơtàu tơnguh mhar tàm Adat ù tiah nam 2024 mut ngui tàm rài kis.