Đơs tàm dơ̆ pơrjum, Phó Thủ tướng ồng Trần Hồng Hà đơs nền, tơngai lài, sră ƀău kac màng Việt Nam neh yal song dơpă, loh làng tơl gah rài kis mpồl bơtiàn, bơta kơp kờñ làng bol dê. Sră ƀău lơh niam gơnoar broă lam lài tàm gah bồ tơngoh- yal tơnggit jơnau- mblàng yal jơnau, lam lài tàm broă lơh gơ rề jơnau tơnggit ngan ngồn, rùp hin bơh Việt Nam “lơngăp lơngai, kơ̆ kơljap, ring lơngai, lơh bơyô, bơtàu tơnguh”.

Phó Thủ tướng Cíñ phủ ồng Trần Hồng Hà sồr ală kâp Mpồl pal ai tơlik lài gùng dà ală anih sră ƀău jat sền bơta geh ngan, yal niam, yal tơl làm rài kis nàng geh uă jơnau sră ƀău geh bơta niam uă, tơnguh bơta tam dră, bơta kuơ niam chài uă ngan. Ală anih sră ƀău pơn jat tai bơt bơtàu mpồl cau lơh ƀău mờng chài, gơtùi sền là ală cau jak chài bè lơh sa, cribơyai broă mờ lơgar ndai, niam chài đơs crih tamya, kông nghệ.