Đơs sùm, Tập đoàn Walmart neh geh uă broă lơh bơcri priă, kă bro tàm lơgar Việt Nam, ngan là lơh gơs ròt mpồl lơh gơlik mờ tac tiêu hờ lơgar ndai, ồng Avaneesh Gupta đơs nền, ală broă lơh dong kờl bơh Cíñ phủ Việt Nam dê neh lơh gơlik bơta niam, bơta ƀuơn nàng Walmart in lơh gơs, ngui sùm ală ròt mpồl lơh gơlik, tac phan bơna tàm lơgar Việt Nam nàng tac hờ drà kă bro dunia bè tàñ mai, phan ngui sa, phan sa. Jờng rơ broă lơh bơh Walmart dê tàm dunia, Phó Thủ tướng ồng Trần Hồng Hà pà git, mờ bơta pràn bè cau lơh broă, phan bơna, bơta kơ̆ kơljap bè cíñ trị- mpồl bơtiàn, Việt Nam neh gơ gơs là dùl tàm ală lơgar lơh gơlik, tac hờ lơgar ndai phan ngui sa dờng tàm dunia.