Đơs tàm Dơ̆ pơrjum kwang bàng kâp dờng, Phó Thủ tướng Cíñ phủ ồng Trần Lưu Quang đơs nền, Jơnau yal bơr Gơnoar kòn bơnus dunia mờ Jơnau yal bơr mờ Broă lam lơh Vienna bè gơnoar kòn bơnus là ală tơngume kơ̆ kơljap nàng mpồl bơtiàn dunia sơlơ tơnguh jơnau git wă mờ broă lam lơh nàng kờñ sơlơ tơnguh rlau tai mờ sền gàr ală gơnoar kòn bơnus mờ neh lơh geh ală cồng nha kuơmàng bơh git nđờ jơt nam do.

Phó Thủ tướng ồng Trần Lưu Quang đơs nền jơnau đơs bơh Việt Nam dê mut tàm Mpồl duh broă Gơnoar kòn bơnus là: “Ki ngàm mờ git wă. Tìp mat tơm bơh bơr mờ lơh broă bal. Jơh ală gơnoar kòn bơnus ai jơh tơl nă cau in”. Phó Thủ tướng đơs nền, pal tơrgùm lam lơh lài Broă lơh cribơyai nam 2030 tài bơta bơtàu tơnguh kơ̆ kơljap bơh Liên hợp quôk dê mờ ală jơnau hơ pơrgon bè gơ dờp mờ tam gơl trồ tiah.