Yal tàm dơ̆ lơh broă, Thứ trưởng Ƀộ Khoa họk mờ Kông nghệ ồng Lê Xuân Định pà git, tus tŭ do, tơngume adat boh lam bè Khoa họk kông nghệ mờ tam gơl pa bơceh lơh neh lơh sir mờ 8 adat gah broă lơh ờs mờng. Ƀộ neh lơh, yal mờ Thủ tướng Cíñ phủ in ai tơlik broă rơndap lơh bơtàu tơnguh khoa họk kông nghệ mờ tam gơl pa bơceh lơh tus nam 2030 mờ jơnau kờñ ai khoa họk kông nghệ mờ tam gơl pa bơceh lơh ngan ngồn gơ gơs bơta gơn kơnờm bơh gơguh lơh sa dê in.

Tàm dơ̆ lơh broă, Phó Thủ tướng ồng Trần Lưu Quang ring bal pal geh 2, 3 gùng dà, broă lơh krơi is ai khoa họk kông nghệ mờ ală cau lơh khoa họk kông nghệ in, đơs sùm pal bơt bơtàu, lơh sir adat boh lam drơng atbồ dà lơgar mờ bơtàu tơnguh khoa họk kông nghệ. Bơtàu tơnguh mờ ngui pràn kơldang Khoa họk kông nghệ mờ tam gơl pa bơceh lơh nàng lơh gơlik bơta tam gơl pràn tơnguh cồng nha lơh geh, bơta niam cồng nha lơh broă, bơta pràn tàm pơrlòng bơh rài lơh sa dê.