Bơh lòt sền, Phó Thủ tướng sồr kwang đơng lam bồ càr Điện Biên, ală Sở, gah broă lơh geh gơ rềng mờ mpồl phàu crong càr dê sơlơ tơnguh mhar tơngai bơsong jơnau gơ lời wơl bơh trồ tiah lơh aniai, mhar rơndap ai ù tiah nàng lơh ƀòn ơm kis pa, gàr kơ̆ kơljap rài kis ai làng bol tiah gơlik geh dà kŏ dà cò, tơrlah ù in; sơlơ tơnguh tai mblàng yal mờ kràñ cê ntrờn gơ wèt mờ ală hìu bơnhă gam ơm tàm tiah geh jơnau pơhìn tơrlah ù uă nàng kờñ gàr lơngăp lơngai màng kis, phan bơna làng bol in. 

Tơnơ̆ mìu dà kŏ dà cò, pal sơlơ tơnguh tai ală broă lơh sơnơm tơmba nàng kờñ gàr niam broă sền gàr pràn kơldang să jan làng bol in, ngan là gơ wèt mờ cau kra, kơnòm dềt. Phó Thủ tướng kung sồr Anih duh broă làng bol kơnhoàl Điện Biên dong kờl, lơh niam wơl ală bă ù lơh sa suơn sre bơh làng bol dê gơtìp hoàc huơr; tam gơl chi tam nàng làng bol in geh phan bơtàu tơnguh lơh sa.