Bàr gah ring bal pal pơn jat tai bơtàu tơnguh bơta gĭt gơ̆p bơh yau lơh bơyô bal mờ lơh broă bal niam bơnĕ bơh broă sơlơ tơnguh rlau tai tàm pơgơl mpồl lòt còp bal mờ gơ̆p ală kấp, ngan là kấp kwang bàng dờng màng.

Bàr nă kwang đơng lam bồ đơs là 2 lơgar gam uă bơta ƀuơn, bơta pràn nàng lơh pràn lơh broă bal tàm ală gah kă bro, bơcri priă, lơh sa suơn sre...; ring bal sơlơ tàm pơgơl mpồl lơh sa kă bro bal mờ gơ̆p, pơgồp bal bơyai lơh ală broă lơh gơ hòi gơ jà kă bro, bơcri priă tàm tơl lơgar dê tàm tơngai tus, lơh geh ală bơta ai ală phan bơna tăc mờ lơgar ndai geh bơta pràn bal mờ gơ̆p, bè: phan lơh geh bơh lơh sa suơn sre, phe, phan tàñ mai, phơng sih.... tăc tàm drà kă bro bal mờ gơ̆p dê; pơn jờng mờ lơh geh ală bơta ƀuơn ƀoài ai mpồl lơh sa kă bro 2 gah in sơlơ tàm tơrbŏ bal, tus bal bơcri priă tàm ală rơndap broă lơh tàm tơl lơgar dê. Nàng lam lơh geh cồng nha ală broă lơh do, 2 gah ring bal pal rcang lài niam ngan mờ gờñ bơyai lơh pơrjum dơ̆ 6 Ủy ƀan tàm bơrlŭ bal đah lơgar Việt Nam mờ Ai Cập, sồr lơh sir tơngume adat boh lam ai lơh broă bal uă gah đah 2 lơgar dê.