Ngai do (06/6), Cribơyai Lơh sa dunia St.Petersburg, lơgar Nga dơ̆ 27 mut tus ngai lơh broă dơ̆ 2. Dơ̆ mut lơh cribơyai ngan ngồn geh lơh tàm ngai do. Phó Thủ tướng ồng Trần Lưu Quang lam bồ mpồl kwang bàng Việt Nam tus bal mờ đơs tàm dơ̆ mut lơh cribơyai. Mờ tơngume tờm “Bơnàng jă bơh dunia uă gah dê – lơh gơs ală bơta gơguh lơh sa pa”, tàm dơ̆ cribơyai, ală bơta bè lơh broă bal dunia mờ cíñ trị gùt plai ù jat ờs mờng rơp geh cribơyai uă.

Cribơyai rơp yal tơnggit ală broă lơh ngan ngồn nàng tìp mat kă bro geh cồng nha mờ bơtàu tơnguh ală mpồl lơh sa kă bro di mơ mờ dềt. Bơdìh hơ̆ tai, tàm cribơyai gam geh ală jơnau mblàng bè ală broă lơh dong kờl cau lơh sa kă bro, ală jơnau sồr bơcri priă mờ ală broă lơh ngan ngồn geh cồng nha. Cribơyai mờ bơta tus bal bơh uă kwang đơng lam bồ kâp dờng ală lơgar, kwang đơng lam bồ ală mpồl lơh sa kă bro mờ ală cau kơlôi sơnơng jak chài, ala mat ală mpồl lơh sa kă bro dimơ mờ dềt bal mờ 18 rbô 600 nă cau ala mat tus bơh 139 lơgar mờ kơnhoàl ù tiah tàm gùt dunia.