Phó Thủ tướng ồng Trần Lưu Quang pà git tus jơh nam 2023, priă dong kờl ờ tơm wơl bơh Cíñ phủ lơgar Hàn Quốk dê bơh KOICA ai lơgar Việt Nam in geh di pơgăp 600 tơlăk dolar Mỹ.

Phó Thủ tướng sồr KOICA pơn jăt tai tơnguh broă dong kờl ờ tơm wơl ai lơgar Việt Nam in, tàm hơ̆ uă ngan là tàm gah broă tam gơl pa bơceh lơh, tam gơl sồ, bơtàu tơnguh kông nghệ kao. Mờ sồr KOICA sền wơl lơh pràn Cíñ phủ lơgar Hàn Quốk geh jơnau hơ mùl màl ai Rơndăp broă Lơh ồs đèng ƀòn lơgar bơh gùng che ồs đèng dà lơgar tàm càr Điện Biên in mờ kờp jơh priă di gơlan tus 20 tơlăk dolar Mỹ. Củ tịc KOICA ồng Chang Won-sam pà git, Cíñ phủ lơgar Hàn Quốk mờ KOICA sền kwơ bơta git gơ̆p mờ lơgar Việt Nam, kờp dŭ tàm nam do geh tơnguh priă dong kờl ODA ai lơgar Việt Nam in tus rơlao 52 tơlăk dolar Mỹ, gơguh mờr 50% pơn drờm mờ nam 2023, Củ tịc KOICA đơs tờm bè hơ̆.