Tàm dơ̆ wă, bàr gah neh cri bơyai nền nòn bè broă lơh jăt ờ uă rơndăp broă ODA tàm lơgar Việt Nam, Phó Thủ tướng ồng Trần Lưu Quang đơs tờm Cíñ phủ lơgar Việt Nam gam lơh ngan jơh pràn nàng bơsong, bơta gơkòl nàng lơh pràn ală rơndăp broă do, hòi jà đah lơgar Nhờk ai priă ODA ờ uă rơndăp broă lơh gùng rơndeh ồs, tam gơl sồ, tam gơl tơlir mờ sơndră mờ tam gơl trồ tiah tàm lơgar Việt Nam.

Phó Củ tịc JICA yal mờ Phó Thủ tướng ồng Trần Lưu Quang bè gùng dà dong kờl priă ODA rài pa ai lơgar Việt Nam in tàm tơngai tus, tàm hơ̆ geh bal ală khà priă ai càn lài nàng rơcang tàm bơta gơtìp ờ niam broă lơh sơnơm mpồl bơtiàn, rềs àr bơh trồ tiah, dong kờl ală khà priă càn bơh broă lơh kòn gùng mờ dong kờl priă cau tờm ngui nàng tiah cau dùl nă să in lơh ală rơndăp broă bơ̆t bơtàu phan bơna.