Tập đoàn Sunny (lơgar Lo) mờng lơh gơlik ală phan gơ rềng tus điện thoại, phan kảm ứng mờ măi mok sền gàr lơngăp lơngai. Tàm dơ̆ wă, Phó Thủ tướng Cíñ phủ ồng Trần Lưu Quang đơs nền, Tập đoàn Sunny rơ wah bơcri priă tàm Thái Nguyên là jơnau lơh nền di ngan, tài do là càr geh uă mờng chài tàm broă dờp ală rơndap broă lơh kông nghệ kao. Phó Thủ tướng ồng Trần Lưu Quang kơp kờñ Tập đoàn pơn jat tai bơcri priă rơndap broă lơh kông nghệ kao tàm Việt Nam đơs bal mờ Thái Nguyên đơs is nàng lơh gơlik ală mpồl lơh sa kă bro bơh Sunny dê tàm Việt Nam.

Wă mpồl tìp mat lơh kwèng sơlơ bơtàu tơnguh lơh sa Kyushu (lơgar Nhờk), Phó Thủ tướng ồng Trần Lưu Quang nting bơr gờm chờ mpồl neh ngui anih tờm yal tơnggit Kyushu tàm Hà Nội, do geh là rbàng tơrbŏ geh cồng nha bơtàu tơnguh broă lơh lơh broă bal bơh tiah Kyushu dê mờ Việt Nam. Bè lơh broă bal bơto cau lơh broă, Phó Thủ tướng ồng Trần Lưu Quang pà git, cau Việt Nam mùl tryăng tryồng, den tàng lơh broă bal tàm gah điều zưỡng viên là dùl gah geh bơta pràn.