Chờ hờp wă rò mò Marisa Lago lòt còp lơgar Việt Nam, Phó Thủ tướng ồng Trần Lưu Quang đơs nền, Việt Nam kơ̆p kờñ chồl tơnguh gĭt gơ̆p đah 2 lơgar ngai sơlơ geh lơh ngan ngồn rlau tàm ală broă, tơl làm rlau. Phó Thủ tướng sồr Thứ trưởng Ƀộ Kă bro lơgar Mỹ mò Marisa Lago dong ai tam tìp ală cau bơcri priă lơgar Mỹ, ngan là tàm ală broă măy mok pa, lơh gơlik măy mok gah rơndeh par, tus bơcri priă tàm Việt Nam; sồr bàr lơgar gơtùi sền swì lơh broă bal tàm ală broă lơh tàm yal tơngĭt bal bơta mờng chài, yal tơngĭt jơnau, broă lơh gơrềng tus chồl tơnguh tam gơl sồ, tơnguh uă pràn jak mờ bơta chài sồ ai mpồl cau lơh broă tàm jơh bal gah broă dà lơgar mờ làng bol in.  Phó Thủ tướng đơs nền Việt Nam rơ̆p rơcăng lài lơh broă bal mờ lơgar Mỹ nàng bơsong ală jơnau sền gròi bơh jơh bal 2 lơgar dê, lơh sùm gĭt gơ̆p kă bro kơ̆ kơl jăp, wèt tus tàm pơnring kă bro bơnĕ bơnài, kơ̆ kơl jăp jŏ jòng, geh kwơ bal.