VOV4.K’ho - Ngai òr (11/03), tàm Hà Nội, Ƀộ Kwang àng bơyai lơh tơnkah 25 nam ngai bơhiàn mpồl Kảnh sát lùp khào cau tìs ma tuý (12/3/2022) mờ dờp Huân chương Chiến kông khà 1. Neh rơlao 20 nam do, broă lơh bơh mpồl Kảnh sát lùp khào cau tìs bè ma tuý ngai sơlơ dờng pràn mờ gơs dờng bè ală bơta.

Cồng nha, bơh nam 1997 tus tŭ do, mpồl Kảnh sát lùp khào cau tìs bè ma tuý gùt lơgar neh gŏ, kŭp rơlao 290 rơbô dơ̆, rơlao 460 rơbô nă cau, kŭp rơlao 5 tấn jrào phiện, mờr 82 tấn heroin, mờr 22 tấn ma tuý tổng hợp; uă phan bơna geh kwơ git nđờ rơbô tơmàn đong tă tàm kes priă Dà lơgar... Đơs tàm pơrjum, Phó Thủ tướng ồng Vũ Đức Đam đơs loh, broă rơcang sơndră, tam dră mờ ma tuý ờ mìng là kơnòl bơh is mpồl kảnh sát lùp khào cau tìs bè ma tuý, mờ pal geh broă tus bal bơh ală mpồl lơh broă tờm, ƀộ, gah lơh broă gơrềng bal, geh bal mpồl lơh broă cíñ trị. Phó Thủ tướng sồr, tàm tơngai tus, mpồl kảnh sát lùp khào cau tìs bè ma tuý gùt lơgar pal tơrgùm lơh niam broă pơlam mờ kấp ủy, gơnoar atbồ ală kấp tơnguh broă đơng lam, lam sồr, nàng hòi jà bơta pràn tơrgùm bal bơh mpồl lơh broă cíñ trị mờ gùt làng bol tus bal tàm broă rơcang sơndră, tam dră mờ ma tuý.

Cau mblàng Ndong Brawl