VOV4.K’ho - Drim òr (21/01), Phó Thủ tướng ồng Vũ Đức Đam bal mờ mpồl kwang bàng lơh broă neh tus còp, lam sồr mờ jào pà phan ai đoàn viên, cau lơh broă geh rài kis gơtìp kal ke, cau gơtìp kòp jroă, cau uă nam ờ geh tơl bơta nàng rê satềp, cau gơtìp gơrềng tài bơh kòp Kovid-19 tàm càr Thừa Thiên-Huế di tàm satềp Ñâm Zần.

Phó Thủ tướng Cíñ phủ ồng Vũ Đức Đam mờ ala măt kwang đơng lam Tổng Liên Đoàn Lao động Việt Nam neh jào 200 pò phan, tơl pò phan geh 1 tơlăk 250 rơbô đong, geh 1 kơl dung phan geh 250 rơbô đong mờ 1 tơlăk đong priă ngan. Kung tàm drim òr (21/01), Phó Thủ tướng ồng Vũ Đức Đam neh tus còp ală cau kòp gam sơm kòp tàm hìu sơnơm bơsiă klờm soh càr Thừa Thiên - Huế tàm sơnah ƀòn Hương Sơ, ƀòn dờng Huế. Tàm do, Phó Thủ tướng neh chờ gờm satềp mờ tam pà bal mờ ală kal ke tàm tơngao pa do mờ mpồl cau y, bác sĩ bal mờ cau kòp; mờ kơ̆p kờñ ală y, bác sĩ pơn jăt tai lơh ngan tàm broă sơm kòp làng bol in.

Cau mblàng Ndong Brawl