Tàm dơ̆ cribơyai, ală kwang bàng tơrgùm cribơyai ală tơngume: Bơtàu tơnguh kơ̆ kơljap mờ tơnguh uă priă jền bơh Việt Nam dê tàm ală mpồl lơh gơlik phan gùt plai ù; tàm tơrbŏ bal ală mpồl phan bơna, drơng broă kông nghệ sồ Make in Việt Nam tàm lơgar mờ lơgar ndai; broă lơh jŏ jòng bơtàu tơnguh mpồl lơh sa kă bro kông nghệ sồ tàm lơgar, dan gùng dà broă lơh bơsong ală broă tàm broă bơtàu tơnguh mpồl lơh sa kă bro kông nghệ sồ tàm Việt Nam, jòi tŭ tơngai niam kung bè gùng dà jòi gĭt drà kă bro lơgar ndai dê.

Đơs tàm dơ̆ cribơyai Phó Thủ tướng Cíñ phủ ồng Vũ Đức Đam đơs sùm, tơngai tus ală mpồl lơh sa kă bro Việt Nam pal tàm tơrbŏ bal lơh geh mpồl cau geh cau tề lam, tam klăc bal gơs bơta pràn, bal mờ gơ̆p khin cha rlau tai, cơn đoà lòt tus drà kă bro lơgar ndai mờ nùs nhơm pin dờn.