VOV4.K’ho- Drim ngai 24/3, tàm Hà Nội, Phó Thủ tướng Vũ Đức Đam tus bal mờ đơs tàm pơrjum gùt mpồl Ủy ƀan dà lơgar bè ơruh pơnu Việt Nam dơ̆ 1. Đơs tàm pơrjum, Phó Thủ tướng Vũ Đức Đam đơs nền: Tŭ do, ơruh pơnu ờ hềt tơl 18 sơnam neh geh bơta git wă mpồl bơtiàn, bè uă gah rlau mờ rơnàng bèp ồng. Do là dùl tàm ală bơta lòng ai tơlik ai Ủy ƀan dà lơgar bè ơruh pơnu Việt Nam in.

       Phó Thủ tướng ồng Vũ Đức Đam tus bal Pơrjum gùt mpồl Ủy ƀan dà lơgar bè Ơruh pơnu Việt Nam dơ̆ 1

Phó Thủ tướng Vũ Đức Đam sồr, tơngai tus, Ủy ƀan mờ Đoàn Ơruh pơnu dà lơgar pal git wă ngan ngồn, bơt bơtàu ală broă lam lơh nàng kờñ tơnguh bơta pràn bơceh pa bơh ơruh pơnu Việt Nam rài pa dê. Đơs nền bơta sền gròi bơh Cíñ phủ mờ Thủ tướng Cíñ phủ dê mờ gơ wèt mờ ơruh pơnu Việt Nam mờ broă lơh ơruh pơnu, Phó Thủ tướng Vũ Đức Đam sồr ală ƀộ, gah broă lơh geh gơ rềng pal pơgồp bal jơh nùs mờ Ủy ƀan dà lơgar bè ơruh pơnu Việt Nam mờ Đoàn ơruh pơnu dà lơgar lam lơh ală broă lơh ngan ngồn, jat di nùs nhơm bơh Cíñ phủ dê.

Cau mblàng K’Duẩn