VOV4.K’ho - Drim òr (07/04), Phó Thủ tướng Cíñ phủ ồng Vũ Đức Đam tus còp mờ lơh broă tàm càr Vĩnh Long bè gah bơto bơtê mờ bơsram bal mờ bơta Chài rơgơi, tàp pràn să jan mờ nhơl chờ.

Ủy ƀan Ñân zân càr Vĩnh Long neh yal mờ Phó Thủ tướng bè cồng nha lơh jăt ală kơnòl tờm tàm gah Chài rơgơi, tàp pràn să jan mờ nhơl chờ mờ bơto bơtê tơngai tŭ do. Tàm hơ̆ geh đơs tờm, bŭ lah gam uă kal ke, mơya càr sùm sền gròi broă tơnguh bơtàu bơta chài rơgơi, tàp pràn să jan mờ nhơl chờ, gàr ring niam mờ jơnau kờñ, rơndăp broă tơnguh bơtàu lơh sa bơh càr dê bal mờ tàm tiah do. Phó Thủ tướng kơ̆p kờñ càr Vĩnh Long pơn jăt tai geh ală broă tơnguh broă atbồ ring bal bè bơto bơtê tàm càr do, tàm hơ̆ geh cau pơgru, kơnòm bơsram, bơta pràn, hìu bơsram, ơdŭ bơsram. Bơsong di pal broă biên cế cau pơgru, geh ke spriă dong kờl ai kơnòm bơsram geh rài kis gơtìp kal ke in.

Cau mblàng Ndong Brawl