VOV4.K’ho - Dờp jơnau jà bơh Cíñ phủ lơgar Lo, ngai òr (16/09), Phó Thủ tướng Thường trực Cíñ phủ ồng Phạm Bình Minh tus mờ geh jơnau đơs tàm dơ̆ sơn đờm Drà ràng tơlik mpồl ASEAN mờ lơgar Lo bal mờ Pơrjum kấp dờng Kă bro bơcri priă mpồl ASEAN mờ lơgar Lo (CAEXPO mờ CABIS) dơ̆ 19 geh bơyai lơh tàm càr Nam Ninh, tiah kòn cau Choang, càr Quảng Tây, lơgar Lo jăt broă lơh kŭp rùp.

Đơs tàm dơ̆ sơn đờm, Phó Thủ tướng Thường trực Cíñ phủ ồng Phạm Bình Minh đơs niam broă bàr gah crơng gơs broă lơh git gơ̆p, lơh broă bal jŏ jòng tơl ală bơta tài bơta ring lơngai, lơngăp lơngai, pas gơs mờ tơnguh bơtàu kơl jăp; Mpồl ASEAN mờ lơgar Lo pơn jăt tai là lơgar kă bro dờng ngan bal, mờ kờp jơh khà priă kă bro bàr đah nam 2021 geh uă ngan mờ rơlao 669 tơmàn dolar Mỹ. Phó Thủ tướng Thường trực Cíñ phủ ồng Phạm Bình Minh hòi jà Cíñ phủ lơgar Lo ai tơl bơta niam blơi uă rơlao tai phan kă bro, phan geh lơh bơh broă lơh sa suơn sre geh bơta niam uă bơh lơgar Việt Nam kung bè bơh ală lơgar tàm mpồl ASEAN dê gan lơgar Việt Nam; chồl pràn broă lơh bal tàm ală gah broă tam gơl pa bơceh lơh, tam gơl sồ, lơh sa sồ, kă bro điện tử; tơnguh broă lơh bal tàm ală gah broă tơnguh bơtàu tơlir, kơl jăp.

Cau mblàng Ndong Brawl