VOV4.K’ho- Di Pơrjum dờng kah ngai deh yàng Phờk nam 2566, nam Tây 2022, ngai 11/5, Ủy viên Ƀộ Cíñ trị, Phó Thủ tướng Thường trựk ồng Phạm Bình Minh neh tus còp, nting bơr gờm chờ Gah jat yàng Phờk Việt Nam mờ cau jat yàng Phờk.

Nting bơr gờm chờ Gah jat yàng Phờk Việt Nam bal mờ jơh gùt cau jat yàng Phờk wă rò dùl Pơrjum dờng kah ngai deh yàng Phờk ring lơngai, Phó Thủ tướng ồng Phạm Bình Minh đơs nền, Pơrjum dờng kah ngai deh yàng Phờk là tŭ nàng ală cau jat yàng Phờk kung bè làng bol gùt lơgar kah kơlôi bè yàng Phờk Thích ca mâu ni, kung bè jơnau đơs gah jat yàng jơi bơtiàn dê hơ̆ là “Lơ bơn niam, ai pà bơta chờ hờp, song ring, niam bơnĕ”. Đơs nền, nam 2022 là nam kuơmàng ngan gơ wèt mờ gah jat yàng Phờk Việt Nam mờ broă bơyai lơh Pơrjum dờng gah jat yàng Phờk Việt Nam dơ̆ 9, Phó Thủ tướng pin dờn gah jat yàng Phờk Việt Nam geh bơyai lơh geh cồng nha Pơrjum dờng mờ jơnau đơs “Bơta pal jat- Jơi bơtiàn- Củ nghĩa xã hội”.

Cau mblàng K’Duẩn