VOV4.K’ho- Drim ngai 01/8, Phó Thủ tướng Thường trựk ồng Phạm Bình Minh đơng lam dơ̆ pơrjum Mpồl lơh broă sồ 1 bơh Thủ tướng Cíñ phủ dê, sồr mhar tă ai priă bơcri dà lơgar tàm 7 ƀộ, anih lơh broă dà lơgar mờ 4 càr, ƀòn dờng.

Phó Thủ tướng ồng Phạm Bình Minh đơng lam dơ̆ pơrjum

Jat jơnau yal bơh Ƀộ Kế hoạc mờ Đầu tư dê, Thủ tướng Cíñ phủ jàu kờp jơh priă bơcri bơh kes priă dà lơgar dê rlau 24 rbô tơmàn đông ai 7 ƀộ, anih lơh broă dà lơgar mờ 4 càr, ƀòn dờng in, mơya tus tŭ do, khà tă ai priă bơcri mìng rơp pa geh mờr 15% broă rơndap lơh. Đơs pơn dut dơ̆ pơrjum, Phó Thủ tướng Phạm Bình Minh đơs nền bơta krơi is tàm tơngai tă ai priă bơcri gơ ơm tàm bơta lơh bal jơh nùs bơh tơl ƀộ, gah broă lơh mờ càr, ƀòn dờng dê. Gơ wèt mờ broă ờ gơtùi tă ai priă bơcri, ală ƀộ, gah broă lơh, càr, ƀòn dờng mhar kờp sền, ai tơlik jơnau sồr tam gơl broă rơndap lơh priă bơcri ai ală ƀộ, anih lơh broă, càr, ƀòn dờng ndai in gam kờñ priă bơcri nàng lam lơh rơndap broă. Pal geh bơta kờp dŭ jơh ală bơta, rơcang lài ù tiah, pal pơgồp bal mờ ală ƀộ, gah broă lơh dà lơgar nàng mhar geh ù lam lơh rơndap broă.

Cau mblàng K’Duẩn