VOV4.K’ho- Drim ngai 01/4, Ƀộ Ngoại giao mờ Mpồl dunia đơs dà Tây pơgồp bal bơyai lơh Cribơyai lơh sa dờng màng dà Tây. Phó Thủ tướng Thường trựk ồng Phạm Bình Minh mờ Kwang gơnoar cih Mpồl dunia đơs dà Tây ồng Lui-dờ Mút-shi-ki-oa-bô neh đơng lam pơrjum.

Đơs tàm cribơyai lơh sa dờng màng Việt Nam- dà Tây, Phó Thủ tướng Thường trựk ồng Phạm Bình Minh đơs nền, Việt Nam neh mờ gam tam gơl pràn kơldang ngan gơs gùng dà bơtàu tơnguh lơh sa tơlir, lơh sa tàm pơ dar. Cíñ phủ ring bal uă broă lơh, broă rơndap lơh dờng, tàm hơ̆ geh broă rơndap lơh dà lơgar bè gơguh lơh sa tơlir tơngai bơh nam 2021 tus nam 2030, broă wèt sền tus nam 2050 mờ jơnau kờñ tơnguh rơndap sap sèng wơl rài lơh sa gơ jat bal mờ tam gơl pa broă lơh gơguh lơh sa, kơ̆ kơljap bè tiah ơm kis mờ ring bal mpồl bơtiàn, wèt tus rài lơh sa tơlir, lơh gơ ndrờm bal carbon mờ tă pơgồp tàm jơnau kờñ tơrmù ƀà bơta gơguh duh gùt plai ù.

Cau mblàng K’Duẩn