Tàm pơrjum, ală kwang bàng neh tă pơgồp jơnau đơs ală tơngume geh gơrềng tus; tàm pà kấp tàm broă tàm jòi cau blơi phan pơrlòng giă, jat tàm ală bơta nàng lơh giă bơnah tàm pơrlòng giă; jơnau sồr sền sơ wì halà sền gĭt jơnau yal bè bơta niam sơnơm tơm ba, phan bơna gah lơh sơnơm, dà sơnơm, phan bơna xét nghiệm dê; yal loh làng jơnau yal mờ ai priă pơđàng jơnau yal jà jòi cau blơi tàm pơrlòng giă dê.

Đơs tàm dơ̆ pơrjum, Phó Thủ tướng Trần Hồng Hà sồr: Ƀộ Y tế pơgồp bal mờ Ƀộ Kế hoạc mờ Đầu tư nàng lơh broă jàu sền gĭt bơta di pal, di mờ adat boh lam bơh ală jơnau yal giă lơh bơnàng jă lơh giă bơnah jòi cau blơi tàm pơrlòng giă dê. Tàm hơ̆, kwơ màng ngan rlau jơh là Mpồl duh broă bơh Hìu sơnơm dê pal sền gĭt rùp rài, jơnau sồr măi mok, bơta niam, cồng nha lơh sa bơh sơnơm tơm ba, phan bơna, măi mok gah lơh sơnơm dê, jat tàm ală bơta hơ̆ nàng sac rơwah khà giă tàm pơrlòng giă.