Rơndăp ù tiah càr Bình Thuận tơngai bơh nam 2021 tus 2030, wèt tus nam 2050 neh geh Thủ tướng Cíñ phủ kĭ là tơngu me tờm, bơta lài ngan, bơta pràn kwơ màng tàm broă bơtàu tơnguh lơh sa mpồl bơtiàn, wèt tus jơnau kờñ càr Bình Thuận gơs càr bơtàu tơnguh pràn, mhar mờ kơl jăp.

Đơs tàm pơrjum, Phó Thủ tướng Trần Hồng Hà đơs nền: broă lơh jăt tơl, nền nòn Nghị quyết sồ 06 bơh Ƀộ Cíñ trị dê bè rơndăp ù tiah, lơh broă atbồ mờ bơtàu tơnguh kơl jăp tiah drà Việt Nam tus nam 2030, wèt tus nam 2045 là kwơ màng ngan. Tài rơndăp ù tiah càr Bình Thuận mìng rơ̆p ai geh gùng dà. Kờñ geh dùl muh măt mờ sền tơl ală bơta pràn geh is, den bơta kwơ màng là càr pal lơh jăt Nghị quyết sồ 06, sền broă bơtàu tơnguh tiah drà là dùl tàm ală broă lơh, jơnau kờñ, bơta pràn nàng tàm pơgồp bal tiah drà mờ lơh sa tiah drà nàng bơtàu tơnguh càr dê.