Tàm nùs nhơm ki ngàm, ală kwang bàng neh lơh bơhiàn chu ñàng mờ lời dùl phuk kah kơlôi ală cau ling khin cha jak chài, cau ling chơt màng, ală cau kòn jak chài bơh ƀòn tờm Khánh Hòa dê neh tam lơh, khin cha jak chài chơt phi să tài rài lơngăp lơngai is, khat gơboh bơh dà lơgar dê.

Tềng đap huềng “Bơtau Trần” mờ ală cau ling khin cha jak chài, cau ling chơt màng, Mpồl đơng lam- Mpồl bơyai lơh broă lơh “Pràn pas bơh dà lềng ƀòn tờm” mờ ală kwang bàng hơ pơrgon rơp đòm jat bơhiàn niam bơnĕ bơh jơi bơtiàn Việt Nam dê. Sùm tam klac bal, ring bal, ngac ngar, bơceh pa, sơrlèt gan tơl bơta kal ke, bơta lòng nàng lơh gơs jak ngan tơl kơnòl broă; pơgồp bơnah tơnguh nùs nhơm pơn iờ să, ki ngàm is jơi bơtiàn; nùs nhơm pơn đơl pràn sền gàr kơ̆ kơljap gơnoar tờm dà lềng, bồt bơlàu mờ tiah tàm dà lềng ndu gơn rơh dà lơgar dê; tơnguh jơnau git wă sền gàr mờ bơtàu tơnguh bơta pràn li la bơh dà lềng, bồt bơ làu dê. Đơs sùm “Việt Nam là lơgar dà lềng” mờ bơta kơp kơnờm jai pha dà lềng, pràn bơh dà lềng, lơh pas bơh dà lềng mờ sền gàr kơ̆ kơljap tiah ơm kis ring lơngai tàm dà lềng; bơtàu tơnguh kơ̆ kơljap lơh sa dà lềng.